【19年放榜的話】
一年過去又放榜，相信今晚會係一眾中六學生既失眠夜。
.
每個人既天賦、潛質唔同。有人有讀書既天賦；有人有運動既天賦；有人有藝術既天賦。你無可能叫C朗去做藝術家，叫畢加索去做足球員，叫林肯去做音樂家，如果唔係嫁話，根本就係成件事錯晒！大錯特錯！
.
係唔同領域上其實有四種人：
第一種：有天賦肯努力
第二種：有天賦但唔努力
第三種：無天賦但肯努力
第四種：無天賦又唔肯努力
.
文憑試呢個讀書考試既遊戲入面，就係考你讀書領域既能力，而且係強制性既，無得你唔玩。而呢個遊戲又咁岩係决定你有無得讀大學既指標。讀書方面有天賦又肯努力既人往往就係考入大家眼中神科既人。到第二三種人，有天賦或肯努力既特質都可能能令佢地考入唔錯既大學、心儀既學科。到第四種人，就唔洗講啦，連一分耕耘一分收穫都談唔上。
.
同學們考到好成績，入到好大學當然可喜可賀。但如果同學你自問已經傾盡全力，日以繼夜咁去準備文憑試，但成績都仲係未如理想既話，咁我建議你唔好再考慮讀書，唔好再浪費時間係讀書呢個領域上，盡快去找屬於你既領域，然後放心機，放時間，放你既人生係呢個領域上，有方向肯努力，我肯定你可能同樣活得精彩。
.
但如果同學你認為自已面對文憑試時依然係懶懶閒，溫書無認真無努力嫁話，咁你可以先認真反省你既人生到底想要啲咩，諗清楚咩野對你黎講先係值得努力既地方。如果你覺得其實讀書仍係你想追求既野，你想比多一次自己努力既機會，你可以選擇Retake、HD。但如果唔係既，你覺得讀書都幫唔到你啲咩，你要追求既野係其他野既話，then just go for it。搵到一個能夠激發你努力既地方。
.
當然我並唔係話讀書係無用，只不過係文憑試呢個讀書考試既遊戲入面，佢強逼左你讀中英數通，一啲你可能唔擅長既科，所以你拎唔到一個好既成績。但我相信即使你想做一個出色既廚師，你都需要閱讀大量有關煮野食既書藉，吸收相關既知識，但呢啲既書就係你感興趣，同幫到你係你自身領域發展既書。所以，你可以搵到你既方向，再從個個方向努力，讀個個方面既書，增值自己，成就自己。
.
愛迪生話：成功係靠一分既天分加上九十九分既努力。我只係有一半認同佢。
.
努力既重要性無庸至疑，古往今來，有邊位偉人係飯來張口、衣來張手就可以成功？當然係無。
.
但對於一分既天分我就有所保留。我認為呢一分既天分其實係决定左你後面九十九分既努力既效能、作用。無天分可能只係令你後面既努力都係徒勞無功。
.
但係第一種同第二種人之間，既然大家都係有天賦、天分既人，咁係相同領域上要决定邊個更成功，當然就己經唔係比拼天賦、天分咁簡單，仲要加上你鍥而不捨既努力，先可以令你脫穎而出。
.
【總括黎講】
文憑試成績重要，但搵到屬於自己既領域，然後再努力更加重要。同學仔今晚失眠既話，不妨用啲時間諗下屬於你既領域係咩，同埋你可以點樣先可以係呢個領域上發光發熱。
.
一分耕耘唔等於一分收穫係因為你種錯田。
緊記：
「找到屬於你的領域＋鍥而不捨的努力＝成功」
.
同以往一樣，同學仔如果對升學或各方面有問題想問，歡迎隨時搵我！
.
#PEEducation #RexMa #找到屬於你的領域 #鍥而不捨的努力 #等於成功 #2019文憑試放榜 #放榜 #放榜加油
Search